WO SCHOOL KA PEHLA DIN"
Pehli baar gaya tha jab,kuch dara hua,sehma sa kuch
Maa ki ungaliyo ko pakade,aakho me aasuo sa kuch
Yaad hai kuch chehre uname se,bhool bhi gaye kuch
Kise pata tha ye anjaan chehre, ban jaayenge mere sab kuch
Waqt ka pata bhi nahi chala,kaise hum bade ho gaye
Bahut bura lagta hai aakhir kyu hum bade ho gaye
teacher ki wo maar,waqt ke maar jitni buri to na thi
Aakhir us samay dosto ke alaawa hume or kisi ki kami bhi to na thi
Class me bore hona,office me ubane jitna boring to nahi
Yaha to koi chock maar ke jagaata bhi nahi
Koi mere tiffin interval se pehle khaata bhi nahi
Ab joote bhi saaf rehte hai hard um,koi inpe daag lagaata bhi nahi
Dosto ki khinchaayi me poora din bita dena
Or apni jara si udane pe muh fula lena
Fir ek samosa khila ke dosto ka mujhe waapas pata lena
Wo nakal na karaane pe dosti ki duhaai dena
Or kaam nikalte hi,chal bey kehke nikal lena
Kuch bhi to waisa nahi hai ab
Dhheere dhhere sab badal gaya,koi paas hai or koi door chala gaya
Sabne wade kiye the sath rehne ke,par har koi apane kaam se nikal gaya
Kya karein ye jindagi bhi to ek majboori hai
Par dosto ye dil ki nahi sirf raasto ki doori hai
Fir milenge dosto unhi raaho pe.,Fir aisi taisi karenge jamaane ki
Kyuki dosto kuch sharaaratein abhi adhhoori hai
Or kameeno tum logo ke bina jindagi kaise poori hai?
Artwork Comments