Follow Us
  • SIGN UP
  • tumbhi microsites
tumbhi microsites

Writing Writing

What if ……………………… it’s my diary a note of love?

August 1987, Bhagalpur (Bihar) ganga ghat ke paas main apne dosto ke saath baith kar nadi me patthar phenk raha tha. Patthar nadi me ek ek  kadam ud-ud kar phir duub jati thi. Jiska patthar jitna jyada nadi me uchaal marega wo jeet jata tha. Main bhi try kar raha tha ke aaj jeet jaun par accha patthar nahi mil raha tha. Tabhi meri nazar paas me ek ladki par padi. Wo ghat ke paas baith kar padai kar rahi thi. Main uske paa gaya to dekha wo English book “radiant reader”  padh rahi thi.
Maine pucha- tum English pad rahi ho?
Wo boli- haan kal class test hai…..
Phir maine use wo chapter acchi tarah samjha diya. Chapter samjhaane  ke baad maine bola- mera naam AMAN hai. Main ST.Paul me padta hoon.
Wo boli- main Chandni hoon. Main Govt. Girls school me hoon.
Phir main chala gaya. Kabhi kabhi wo dikh jati thi par hamari baat nahi  ho pati thi.
Dec,1987- cricket tournament chal raha tha. Main boundry me fielding kar raha tha. Opposite team ka batsman sixer mara to ball seedhe Rly Quarter me gira. Ball lane main bhaga……. Wahan Chandni dikhi wo T.V. dekh rahi thi. Maine ball uthaya aur chup chap chala aaya. Phir fielding karte samay bar-bar uske quarter ka number pe dhayan ja raha tha…. C/4- uske quarter number tha.

Feb 1988, Maths me kam marks aaya to Abbu (father) mujhe Mishra ji ke paas Tution me laga diye. Wahan Chandni mili. Wo hamesha class me mujhe dekhti rehti thi. Uska muskurata chehra accha lagta tha. Baat nahi karti thi par mujhe dekhkar hamesha muskurate rehti thi.
April 1988 exam khatm ho gaya aur summer vacation ho gayi. Calcutta me Mama Topsia me rehte the, wahi unka leather ka factory tha. Hum log hamesha summer me wahin jaya karte the. Do mahine tak wahan raha phir wapas Bahgalpur aa gaya.
Mishra ji ke paas Chandni mili. Maine pucha- tum hamesha mujhe dekhkar kyo muskurati ho?
To wo boli- tumhe dekhkar accha lagta hai. Is liye muskurati hoon.
Hamari baat kam hoti thi par mujhe bhi wo acchi lagti thai. Waqt beetne laga. Ram janm bhumi ke liye har jagah baate ho rahi thi.
Year 1989, ek din Abbu apna shop gaye aur shahar me curfew lag gaya. Ammi intezaar kar rahi thi lekin wo nahi aaye. Police saare muhalle me ghum rahi thi. Raat Ko Police Van aaya aur ABBU ki Laash Ghar ke paas  phenk kar chale gaye. Main kafi chota tha aur na koi bhai tha na bahen thi, Mujhe bas itna yaad hai ke agle din hum kabristhan gaye. Wahan Abbu ko dafn kiye. Phir Mama ke saath Calcutta aa gaye.  Kuch saal padai kiya phir Mama ka kaam dekhne laga.
Saal kaise beeta pata nahi chala.
Year 1995, ek friend aaya aur mujhe Archie’s  Gallery le kar gaya. Maine puche- kya lene aaya hai. To wo bola- apni girl friend ke liye New year cards lene aaya hai. Kya tumhara koi Girl friend nahi hai.
Kaise batata ki koi hai jo aksar yaad aati hai. Par 6 saal ho gaye kya pata wo yaad karti hogi mujhe ya nahi. Maine hamesha use apne yaadon me sambhal kar rakha hai. Jab milegi to sab bataunga. Phir mujhe bhi laga ke ek card bhej kar dekhta hoon kya pata shayad wo mujhe yaad rakhi hogi?
26 dec, 1995 ek greeting post kar diya. 12 january 1996 ko return card aaya. Wo card Chandni ne mujhe bheji thi. Phir greeting ka silsila chalu ho gaya. Jab bhi main use greeting bhejta wo bhi mujhe greeting bhejti. Kabhi kabhi greeting me chota sa letter hota.
Year 1997. Uska letter aaya ke uske papa ka Jamshedpur(TATANAGAR)  transfer ho gaya hai aur phir wahan ja kar address send kar degi. Lekin uske baad phir kabhi uska na koi letter aaya aur na hi koi greeting. Main intezaar karta raha. Kai baar Bhagalpur gaya, kitne baar Tatanagar gaya par kahin wo na mili. Is tarah year 1998,1999,2000, 2001 chala gaya.
Main ab Mama ka factory sambhalne laga tha. Ammi bhi meri shadi ke liye ladki dekh rahi thi. Par man me basi wo murat kisko dikhata, kaun hai Chandni Kise batata kahan dhundta use.
Year 2002, march me chandni ka card aaya sorry ka………. Usme uska mobile number tha………..
Main shant ho gaya tha. Call karu ya na karu. Phir raat ko call kiya.
Main- hello
Chandni- haan…….
Main- main AMAN bol raha hoon.
Phir wo batai ke uski bahan Tatanagar Jane se pehle kisi se Love marriage kar li isliye ghar me kafi toofan mach gaya tha. Phir mummy ka kaam me haath batane lagi aur padai karne lagi isliye time nahi mila. Ab Hyderabad me Engineering kar rahi hai. Hostel me ek ladki jab puchi ki kya koi uska boy friend nahi hai tab usne use sab  bataya aur phir silsila shuru ho gaya.
Year 2005. Uska campus selection hua aur wo KolKata ke Salt Lake aa gayi. Karib 16 saal baad pehli baar hum dono ek hi shahar me the.
14th august 2005 wo mujhe milne ke liye  Victoria bulayi evening 4 baje. Main dara hua tha ki kaise milunga, kya baatein karunga. Humne har tarah ka greeting share kiye friend ka, missing ka, independence day ka, new year ka but Love ka kabhi nahi kiya aur na hi baatein ki.
Main taiyaar ho kar Victoria paunch gaya aur garden me use dhundne laga. Main har chehre me use dhundta par waisi muskurahat nahi dikh rahi thi………… tabhi mera mobile ring hua. Maine call receive kar kaha- hello
Wo boli- aman please aankhen band kar lo…… please.
Maine aankhen band kar kaha- kya hua bolo…….
Wo boli- Please aankhen band kar palatna. mujhe jee bhar kar dekhne do.
Main aankhen band kar palta. To wo gale lag kar mujhe chumne lagi aur chumte chumte boli- I love you AMAN. Maine aankhen khola to wo Sharma gayi lekin……
Phir wo mujhe gale laga kar rone lagi. Main bhi ro pada mera bachpan ka pyar meri bahon me thi…… khud ko kitna khush naseeb mehsoos kar raha tha. Phir saamne pade bench me aakar hum baith kar baatein karne lage.
Wo puchi- Tum Bhagalpur se kyo chale gaye?
Maine kaha- Abbu ka Riot me qatl ho gaya tha……….
Wo boli- kya kaha………….
Maine bola- Haan Riots me Abbu ka Qatl ho gaya tha.
Chandni surprised ho kar- Abbu………… tum muslim ho……
Aman- haan kyo tumhe nahi pata………..
Chandni phir gale lag kar rone lagi aur boli- OH Aman
Maine pucha – kya hua chandni kyon ro rahi ho……………
Wo boli- main hindu hoon wo bhi Brahmin family se, pata hai mummy-papa aaj tak meri bahen se koi rishta nahi rakhe jabki  wo hamari low caste me love marriage ki hai……
Phir der sham tak wo mujhe dekh dekh kar roti aur gale se laga leti. Main bhi ro hi raha tha. Phir apni mobile ka sim card mere saamne tod di aur  wo jaane lagi. Jate waqt bhi baar baar mujhe hi dekhti, phir wapas aati gale se lag jati aur rone lagti  ………… lekin wo chali gayi…………
                            What IF…………….
Year 2014 …. Aaj whats app hai, facebook hai, mobile,internet, voice call, video call, video chat sab hai lekin phir bhi wo mujhe letter likhti hai aur main reply letter se hi karta hoon.Aaj bhi HUMDONO intezaar kar rahe hai us din ka jab ye samaaj apni dharm adharm se bahar nikal kar hamari pyar ke bhavnao ko Samajh jayenge. What if agar hum na mil paye par pyar hamesha rahega.
                                                                                                                  By zahid.

What if its my d..

Short Stories 0

Gangs of Chakradharpur- A Story Under Trial (Part-11)
THE END :
Ghasi ko kamlesh bulate hai…………….. ghasi aata hai…………..
Ghasi- kya hua ?
Mahesh- dekh ghasi 2-3 mahine ke baad election hai…….Aslam to hamara sath dega nahi lekin tumhe hamara sath dena hoga………….
Ghasi- main nahi de sakta…………
Mahesh- kyon nahi de sakta……
Ghasi- kyoki aap log ne hi Bablu bhai ka murder kiye hai…….aap log ka koi bharosa nahi…………
Mahesh- jaa tu jaa………main Aslam ko bata dunga ke Goilkera me musalmano ka khoon kisna kiya tha………chaibasa me karim miya ko kisna maara tha………. Jaa Aslam hi tera murder karega……….
Ghasi- ka saboot hai in sab ka………
Mahesh- wo raha saboot… dekh use tumhara purana sathi…………..
Ghasi dekhkar dang reh jata hai…………….
Ghasi- Munim , Najju ………………to bablu bhai ko kisne mara ye bhi bata do………
Najju- maine maara ……… wo aadmi nahi jallad tha…….raajneeti ke liye kuch bhi kar sakta tha.
Munim- jab apna beta Pawan ko marwa sakta hai……….to phir dusre log kya hai Ghasi uske liye…….. baccha khan yaad hai………
Ghasi- haan yaad hai………..wo bakri chor……..
Munim- usi ne pawan ka murder kiya………
Mahesh- ye sab to mujhe aaj pata chal raha hai…….kamlesh ji kya hai ye sab…….Atul kya chal raha hai ye……… nahi Aslam jail se bahar nahi aayega……….
Najju- bada darpok leader hai. Main use kabhi bahar nahi aane dunga…………… agar wo bahar aa gaya to koi bhi nahi bachega……na Ghasi, na atul, na main aur na hi Mahesh.
Mahesh dar jata hai use saari raat nind nahi aati hai......... agle din subah subah wo chaibasa jail jata hai............
Mahesh- Aslam ab tu kabhi jail se bahar nahi nikal payega.......... main teri case ka final decision isi hafte karwa dunga...... tujhe faansi karwa dunga………….. dekh lena………
Phir wo chala jata hai………
Aslam Aadil ko bulwata hai. Aadil aata hai…….
Aadil- kya hua bhai?
Aslam- apne ladko ko taiyaar karo……….is hafte kisi bhi din court me date hoga……usi din Mahesh ka game karna hoga………. Election ka time hai hamare upar shak nahi jayega……itihaas gawah hai CKP me election ke time khoon jarur behta hai……..
Aadil- thik hai bhai…………
Aadil chala jata hai……… CKP pahunch kar apne sabhi ladko ko Mahesh ka game karne ke liye ready rehne ko kehta hai……….
Tabrez- bhai main uska murder karna chahta hoon……….
Aadil- tu abhi baccha hai is kaam se dur reh………………
Aslam ka Thursday ka court me pesh hone ka date out hota hai.
Aadil plan karta hai-  court se return ke baad CKP main road me maarenge………. Saara ckp yaad rakhega……. Uska sabhi saathi ko khatm kar denge…… koi bhi bachna nahi chahiye jo tum logo ke saamne aaye use final karna hai. Chodna nahi hai kisi ko bhi.........
Thursday ka din aa jata hai.............
Aslam ko chaibasa court laya jata hai...........mahesh ,Atul aur uske kai saathi saath me rehte hai..........
Mahesh- Judge saab isi ne mere bhai ka murder kiya tha, nanku ko mara tha,haatim ko maara tha.........isko faansi de dijiye...............
Judge – apna faisla agli tarik ke liye taal deta hai................ court se bahar Aslam Mahesh ko bulata hai.......
Mahesh- kya hai ? tu bachega nahi tu marega........ agar fansi nahi hua to police se encounter kara dunga…………
Aslam- thik hai mera murder karwa dena…….. ab to bata de Bablu ka Murder kisne kiya......
Mahesh- Najju ne kiya.......... uska murder me mera koi haath nahi hai...... bazaar me baithe marwari log ne hi uske murder ka supari diya tha aur haan Ghasi ne Karim Miya aur goilkera ke garib Musalmano ka khoon karwaya tha.......... ek baat aur Pawan ka Murder khud Bablu ne karwaya tha.............
Aslam- shayad ab hum log kabhi na mile ALLAH HAAFIZ............
Mahesh hansta hua chala jata hai.........
Idhar CKP main road me railway fatak ke paas Aslam ke ladke Mahesh ke aane ka inezaar kar rahe the....... Sab apna apna hathyaar le kar baithe the. Fatak ke udhar Prabhat talkies me shahrukh ki film Josh lagi hui thi….. dopahar ka matinee show ka kafi bhid thi……… kuch ladke paddle rickshaw se fatak ke aas paas khel rahe the……….. tabhi Mahesh ki sumo aati hui dikhti hai………
Aadil- sab taiyaar ho jao teeno gadi Mahesh ki hai koi bhi bachna nahi chahiye …..jaise hi fatak khulega  sabhi gadi me Bomb aur goli se humla bol dena hai…………yaad rakhna koi bhi nahi bachna chahiya………….
Idhar gadi me ……….
Mahesh- are gadi dheere kyo kar diya………..
Driver- saab wo ladko ko dekho............rickshaw aage peeche chala rahe hai.........
Mahesh- abe horn maar...............
Driver horn marta hai……..lekin ladke rickshaw dhere dhere chala rahe hote hai……..
Atul gadi ka window glass down karta hai……….
Atul- abe hat raaste se………………
Aadil apne ladko ke saath fatak ke udhar se dekh raha tha……..
Aadil- babban kaun hai ye saare ladke jo rickshaw chala rahe hai……………
Babban- pata nahi………….
Sab sumo ka window glass down karke chillane lagte hai……….. tabhi peeche se 10-12 ladke monkey cap pehankar aate hai aur bomb blast karna chalu kar dete hai ………. Bomb blast se sumo ka glass chur ho jata hai ………..sab gadi me khoon khoon ho jata hai………..public bhagne lagti hai………….
1 – Mahesh kisme hai?
2- pehle wali gadi me……..
Wo bhag kar Mahesh ke gadi me aata hai aur 1 kg ka Amul ke bottle me bana desi bomb marta hai……. Itna zor ka blast hota hai ke Mahesh ka body Sumo me bikhar jata hai…….. kul 15 log ka murder hota hai………. Sabko wo log marte rehte hai jab tak unhe nahi lagta hai ke wo mar gaye hai…………….. phir sab bahg jaate hai......
Aadil- Babban saaman le kar ghar chala ja main 10 no ward jata hoon………….. pata nahi kisne inka game karwa diya………………
Thodi der me Police aa jati hai- pura CKP me kohraam mach jata hai…………. Mahesh ka body khatm ho chuka tha, Atul bhi mara gaya tha aur sath me uske 13 sathi bhi.
Sitla Mandir me phir rone ki aawaz se Pura Ckp me gum ka mahool ban gaya tha…………
Aslam jail se riha ho jata hai………………..
Sab khush ho jaate hai……..chandmari me jashn ka mahool rehta hai………. 
Do din ke baad paper me chapta hai- ghasi ka murder chaibasa higway me ho gaya hai………….
Phir  ek din police subah subah Aslam ke ghar aati hai…….
Police- Aslam…….
Aslam- ghar se nikal kar----kya hua ?
Police- are thoda chalo na ek laash mila hai...... thoda pehchan karwana hai……..
Aslam police ke sath chala jata hai………….. laash ke paas pahunch kar …….Aslam laash ko gaur se dekhta hai………..
Aslam- iska sir kidhar hai……….. kaun hai Hindu hai ya musalman.......... pant kholo.......
Police pant kholta hai..........
Aslam- haan miya hai………… pocket me dekho..
Police- ranchi ka rail ka ticket hai…..
Aslam- najju hai………. Iska body Ranchi bhej do………….
Sab ka kahani khatm ho jata hai……. Koi criminal nahi bacha tha……..
Aslam ke chhat me sab baith kar carom khel rahe the…….
Aslam- tabrez kitna box bacha hai………….
Tabrez – sab khatm ho gaya …….
Aadil- kaun sa box……………
Tabrez- jab aap saudi me the tab CKP me mahool bahut kharab tha. Saare log faarar the tab main aur Aslam bhai ne bomb aur hathyaar ghar ke peeche saare bomb aur revolver ko box pack kar gaddhe me gad diye the. Mahesh ka murder ke samay do box bomb aur revolver/bullet use kiya tha. Use marne ke liye special 1kg wala amul ka dabba me bomb banaya tha………………
Aadil- lekin Mahesh ko marna to hamara plan me tha………
Tabrez- bhai use khatm karna tha……… final karna tha…………..Ghasi ko chaibasa road me car me lift lia aur uske sir pe goli maar diya……… ab bacha tha Najju- use kal raat ko Aslam bhai ne Gala kaat diya aur uske Sir ko police station ke paas Naale me phenk diya…………..
2 mahine ke baad Naya State – Jharkhand declare ho jata hai……ckp se election seat general category se hat jata hai- matlab ab sirf koi aadiwasi hi yahan se election me MP seat ke liye lad sakta hai. Madho kera independent khada hota hai aur bhari bahumat se jeet jata hai………..uske baad aaj tak koi murder case saamne nahi aaya hai. Corruption, black money , chalta rehta hai………….

                                                                                                 THE END

Gangs of Chakrad..

Screenplays 0

Gangs of Chakradharpur- A Story Under Trial (Part-10)
Subah ka waqt tha ,Aslam apne beti ke sath ghar ke saamne maidaan me khel raha tha. Ruhi bhi balcony se dekh rahi thi…….tabhi police ka 2-3 van aata hai. Police Aslam ko arrest kar leta hai.
Aslam police se- Officer Mujhe apni beti ko ghar me chodne do….phir main tumhare sath chala jaunga……….
Police- Main chod deta hoon…….aap jeep me baith jao……
Aslam nahi manta hai aur apni beti ko Ghar me chod kar bahar aata hai……….
Aslam- chaliye kahan chalna hai………….
Tabhi Chandmari ke kai younsters aa jate hai……aur Police ko rok dete hai. Aadil bhi aa jata hai………
Aadil – ye kya hai Sir.
Police- dekhiye in pe 3-4 murder case hai, upar se order hai . aap ko job hi karna hai aap kariye lekin hame apna kaam karne dijiye………
Aslam- Aadil jane do bas bail ki taiyari karo…………
Police Aslam ko chaibasa jail le jati hai……. Din bitne lagta hai…… sara purana case re-open hota hai………..
Ghasi jail aata hai- Bhai aapne acha nahi kiya?
Aslam- kya accha nahi kiya……
Ghasi- bablu bhai ka murder nahi karwana chahiye tha…..
Aslam- maine unka khoon nahi karwaya……
Ghasi- lekin sab to yahi keh rahe hai ke aapne hi........... magar aapne nahi kiya mahesh ne nahi kiya to phir kisna kiya...........
Aslam- mujhe kya pata.....
Tabhi aadil aata hai........
Aadil- bhai bail nahi ho pa raha hai..........
Aslam- to police ko setting kar, kharid unko, mahesh ko kharido nahi to uda do 1-2 bande ko .
Aadil- bhai pehle wala waqt nahi hai…….. Mahesh aaj MP hai. Uske paas police hai,power hai,paisa hai…………
Aslam- uske paas maut ka dar bhi hai…………
Aadil- aapka bhi parivar hai bhai….thoda sabr karo main sab thik kar dunga……….
Aadil bahut try karta hai lekin kahin koi rasta nahi dikh raha tha…….. ab Aadil Aslam ka business  bhi sambhal raha tha……. Paisa kama raha tha………. Ek din wo Ruhi ke paas aata hai………
Aadil- bhabhi bhai paisa kahan rakhta tha…….
Ruhi- wo to ammi ko de dete the….. mere kharche ke liye aaj bhi ammi hi paise deti hai.
Aadil chala jata hai.
Ghasi bhi ab idhar udhar bhatakta rehta hai……..Mahesh ki biwi Mina devi Mili ko ghar se nikal dena chahti hai. Wo ghasi ko bulati hai……….
Ghasi- ka hua bhabhi…….
Mina devi- Mili ko uske ghar chod aao aur Shanti ko bhi bolo apna bacche ko lekar apna maike chala jaye……..Jagan jawan ho gaya hai…baap aur bhai ka Murder ke baad wo bahut gussa me rehne laga hai…
Ghasi- thik hai main mili se baat karta hoon……..
Ghasi mili ke paas aata hai.
Ghasi- Mili Mina devi tumko jaane ko boli hai……..kahan jaogi ab?
Mili- kahan jaungi jahan kismat hoga chali jaungi……..
Ghasi- aur paisa hai ka…….
Mili- haan hai…..
Ghasi- kahan hai ?
Mili apna bed ka lakdi hatati hai……..pura bed paiso se bhara rehata hai………..
Mili- ye mer apaisa hai……….
Ghasi- tu mere saath reh mere ghar me………
phir saara paisa pack karke wo mili ko apne saath le aata hai…….. shanti devi bhi apna beta ke saath Raipur apna maike chali jaati hai. Mina devi Jagan ko apne baap ke dhandhe me laga deti hai……..
Mahesh bhi Railway ka kaam me apne ladko ko laga deta hai. Dekhte dekhte saal beet jata hai. Aslam court aur jail ka chakkar kat te rehta hai........ ek din Tabrez jail aata hai……
Tabrez- salaam bhai kaise ho ?
Aslam- thik hai……..tu kaisa hai………..
Tabrez- bhai Mahesh ko uda dun kya ?
Aslam- nahi jab waqt aayega tab dekhenge……….baki ladko ka kya haal hai……
Tabrez- sabka thik hai……..aadil bhai bhi apna ghar banwa raha hai…..
Aslam- kahan par ?
Tabrez- 10 no ward me……..sab bol rahe hain ke wo jaan bhuj kar aapka bail nahi karwa rahe hai…. Aapka kamai dekh kar wo aap ko bahar nikalwana hi nahi chahte hai… har din koi na koi neta unse milne aata hi rehta hai………
Aslam- dil chota mat kar ….. Aadil kuch na kuch karega.......bahut sara case hai time to lagega…
EId aane se pehle aadil Aslam ka bail karwa deta hai………kuch din ghar me rehta hai phir Police le jaati hai……   aise hi 3 saal beet jati hai………bail pe bahar aata hai phir andar chala jata hai…….
Mahesh phir Aslam se milne jail aata hai.
Mahesh- dekha mera power tu apna zindagi se pareshan ho gaya hai…….. agar tujhe marwa deta to sab khatm ho jata lekin jo tadap aur dard tujhe maine diya hai wo tujhe hamesha yaad rahega.
Aslam- maine tujhe pehle hi kaha tha jo mere raaste me aata hai wo hamesha ke liye chala jata hai…….. main chahu to tujhe tere group ke saath khatm karwa dun lekin main tujhe sochne ka waqt deta hoon tu soch aur soch kar hi kaam kar………… Bas itna bata Bablu ka Murder tumne karwaya ya nahi………….
Mahesh- apna bhai Aadil se puch kisna karwaya hai……….. pichle 10 saal se CKP me kya kya hua hai koi thik se nahi janta hai………tumhe dekh kar kitne ladke galat raaste me utar gaye….. ab raat me koi chaibasa jana nahi chahta hai…..chandmari ke kuch ladke wahan loot paat karte hai………. Bablu ka murder bhi Chandmari ka koi ladka kiya hai……. Najju sudhar gaya wo bhi hamare darane se……. Maine tujhe bhi kaha tha band kar sab kuch lekin tumne Bittu ko marwa kar accha nahi kiya…….. aaj teri beti ,teri biwi tujhe yaad karke roti hogi……. Main tumhe bachpan se janta hoon. Mujhe pata hai ke tera dil kitna sona hai lekin tu kabhi mujhe samjha hi nahi…….. kitna musalman log tere paas aate hai , tere liye dua karte hai…………
Aslam kuch nahi kehta hai…….. Mahesh chala jata hai……….bahar gadi me aakar baith jata hai….
Mahesh- kamlesh bhai zehar ghol diya hai, ab Aadil aur uske ladko ka hisaab aslam khud kar lega.
Atul- lekin saala aaj tak pata nahi chala ke Bablu aur Pawan ka Murder kisne karwaya.
Mahesh- saala ghasi ka bhi kaam ho sakta hai……wo aadiwaasi bahut chatur hai….. Vinod ji pe hamla usi ne karwaya tha…….. Karim miya ko bhi usi ne marwaya tha…. Aur goilkera me garib musalmano ko bus se utarkar usi ne katwaya tha………. Kamlesh bhai CKP ko Accha banana hai……. Ye saara gandagi saaf karna hai.
Kamlesh- gandagi saaf karne ke liye koi politician nahi banta hai…….. gandagi bana rahega to paisa kama paoge……… Bablu ji hamare politics me baap the……. Unhe pata tha dar aur raajneeti kya hoti hai……..
Atul- ye to khud hi uska shikaar hua tha…….. Dar ke  surrendar kar diya tha…..bhul gaya wo din……..
Mahesh- haan bhai yaad hai....... jab ghar me akela ho to parivar ke liye dar man me baith jata hai……………
Aslam jail me Mahesh ke baato ko sochne lagta hai. Wo Aadil ko bulwata hai...........
Aadil – kya hua bhai?
Aslam- tune Bablu aur Pawan ka murder karwaya?
Aadil- nahi ye galat hai........
Aslam- tu apna ghar banwa raha hai…… mujhe bail me nikalwa nahi paa raha hai…….
Aadil- bhai ab tak char baar bail me bahar karwaya lekin kya hota hai……hafte ke baad phir andar ho jaate hai……… aap bolo to Mahesh ka murder karwa doon……. 3 case ka gawah wo hai. Lekin uske murder ke baad aapko nikalna aur bhi mushkil ho jayega……… ghar main Maa ke liye banwa raha hoon……….. paise ki jarurat padi thi to Bhabhi se mangne gaya tha lekin wo boli ke aap sara paise ammi ko dete hai……….. to maine ammi se hi paisa liya. Bhai 3 saal ho gaye hai bas aur 1-2 saal intezaar kar le election me wo aur nahi jeet payega………… phir uska murder main karunga………..
Aslam kuch keh nahi pata hai…….Aadil chala jata hai……..
1995 se hi Jharkhand banne ke liye central me kafi zor shor se taiyari shuru ho gayi thi. JMM bhi election me accha seat laa rahi thi…….. ranchi university ke ek professor ko Jharkhand pe report banane ka kaam diya gaya tha. 1998-1999 tak saara area me jharkhand state ke liye rally nikalne lagi thi…………
Ghasi ko pata tha ki agar jharkhand ban gaya to wo election me khada hoga bhale hi jeete ya haare lekin wo jarur khada hoga…….. Ghasi apna kaam me juta raha tha…….har gaon-gaon me sabhi se milta rehta hai…. Aise hi wo ek baar Jagannathpur jata hai wahan uska mulakat Madho kera se hoti hai.
Ghasi- madho bhai juar(greeting)
Madho- Juar.
Ghasi- aap ko pata hai Jharkhand ban ne wala hai…………
Madho- haan pata hai. Main bhi independent election khada hone wala hoon.
Ghasi- kyon?
Madho- independently main accha kaam kar sakta hoon ………
Ghasi- wo to sahi hai………..
Election ka time saamne aane laga tha…..election ka taiyaari pure zor se sab lage hue the…. Kamlesh pandey CKP me phir Mahesh ko jitana chahte hai. Wo meeting rakhte hai………
Kamlesh – pichle baar hum election jeet gaye kyoki us baar koi hamara against me damdaar leader nahi tha. Phir is baar Jharkhand bhi ban sakta hai. Musalmano ka vote agar chahiye to Aslam ka saara case withdraw karwana padega………..
Mahesh- pagal ho gaye ho kya Kamlesh ji………. Wo Bahar aayega to kya chodega hum logo ko sabko marwa dega.
Kamlesh- aisa kuch nahi hoga……… shanty se baat karke sulah karenge………….
Atul- main Mahesh ke saath hoon......
Kamlesh- soch lo Raajneeti me gadhe ko bhi baap banana padta hai……
Mahesh- wo gadha nahi sher hai kha jayega sab ko………
Kamlesh – thik hai to phir Ghasi ko bulao us se hi kaam chala lete hai……..
Mahesh- wo bhi hamara sath nahi dega, wo Aslam ke saath dega…………… lekin agar use daraya jaye to shayad saath de de………… Ghasi ko bulakar dekhte hai………
Ghasi ko kamlesh bulate hai…………….. ghasi aata hai…………..
Ghasi- kya hua ?
Mahesh- dekh ghasi 2-3 mahine ke baad election hai…….Aslam to hamara sath dega nahi lekin tumhe hamara sath dena hoga………….
Ghasi- main nahi de sakta…………
Mahesh- kyon nahi de sakta……
Ghasi- kyoki aap log ne hi Bablu bhai ka murder kiye hai…….aap log ka koi bharosa nahi…………
Mahesh- jaa tu jaa………main Aslam ko bata dunga ke Goilkera me musalmano ka khoon kisna kiya tha………chaibasa me karim miya ko kisna maara tha………. Jaa Aslam hi tera murder karega……….
Ghasi- ka saboot hai in sab ka………
Mahesh- wo raha saboot… dekh use tumhara purana sathi…………..
Ghasi dekhkar dang reh jata hai…………….
                                                                                                 (to be continued in part 11)

Gangs of Chakrad..

Screenplays 0

Explore →
Tumbhi blog

Why should you..

Why should you bring some ART home?

read blog
tumbhi advisors

L C Singh

Member, Film Writers Association, Mumbai Playwright and Author - feature film..
advisors
USERSPEAK
No Image

RAJESH KUMAR

Yoon to safar zindagi ka Bahut lambda lagta hai. Kat jayenge Mauz me garr saath ho Tumbhi.

testimonials
GO